Минзәлә районы имам-мөхтәсибе Рәмзил хәзрәт Садыйков Корбан гаете белән котлый
Бисмилләһир-рахмәнир-рахим
Әссәламү галәйкүм вә рахмәтуллаһи вә бәракәтүһү
Мөхтәрәм дин кардәшләр! Сезне олуг бәйрәм – Гыйд әл-әдхә – Корбан гаете белән ихластан тәбриклим! Корбан бәйрәме – Аллаһның хисапсыз нигъмәтләре өчен рәхмәтебезне белдерергә, буйсынуыбызны күрсәтергә мөмкинлек бирүче зур гыйбәдәт.
Раббыбыз Коръәни кәримдә болай ди: “Раббың ризалыгы өчен намаз укы һәм (Аның исеме белән мохтаҗларны ашатыр өчен) корбан чал!” (“Кәүсәр” сүрәсе, 2 аять).
Аллаһ тәгалә сезнең барлык изгелекләрегезне кабул итсен, яхшы гамәлләрегез өчен савапларын арттырсын, иманда-диндә ныгытсын, шәһәр вә районыбыз мәхәлләләренә бәракәтен бирсен!
Ихтирам һәм изге догалар белән,
Имам-мөхтәсиб Рәмзил хәзрәт Садыйков
Нет комментариев