Район башлыгы Айдар Салаховның Татарстан Республикасы Конституциясе көне уңаеннан котлавы

Хөрмәтле минзәләлеләр һәм районыбыз кунаклары! Сезне Татарстан Республикасы Конституциясе көне белән котлыйм!

Татарстан Республикасы Конституциясе, республикада яшәүче һәр кешенең иминлектә тормыш итүен тәэмин итеп, мөһим икътисадый һәм социаль мәсьәләләрне хәл итүдә дәүләт төзелешенең хокукый нигезе һәм ышанычлы юнәлеше булып хезмәт итә. Әлеге бәйрәм һәрберебез өчен бик мөһим – бу республикабыз һәм илебезнең барлыкка килүен, тарихыбызны хәтерләү. Иң җылы котлауларымны кабул итегез! Ныклы сәламәтлек, бәхет һәм якты киләчәккә ышаныч телим! Һәр йортны, һәр гаиләне тынычлык, иминлек һәм шатлык биләп торсын!

Айдар Салахов, Минзәлә муниципаль районы башлыгы.