Тупач мәктәбенең бар коллективын, лаеклы ялда ветеран мөгаллимнәребезне укытучылар көне белән котлыйм.
Алар – район газетасының актив укучылары. Балаларга бар белемегезне, җан җылыгызны, көчегезне бирүегез өстенә, сез җәмәгать эшләрендә актив катнашучылар булып торасыз. Тупач авылында бер генә мәдәни чара да сездән башка узмый- бар сәләтегезне, күңел җылыгызны биреп, шәхси вакытыгызны кызганмыйча төрле чараларда катнашасыз, авыл халкына шатлык өләшәсез.
Барыгызга да сәламәтлек, ак бәхетләр, яңа куанычлар телим! Бәйрәмегез белән!
Хөрмәт белән, Тупач авылы китапханәчесе Лилия Миңнеханова.
Нет комментариев