Бер генә җавап килде

Әллә укучыларыбызга футбол темасы бик якын түгел, әллә сораулар авыррак булды, әмма җавап бирүче берәү генә булды (әйтергә кирәк, дөрес итеп) – Айзилә Мулләхмәтова.
Җаваплар: 
1)“Оле-оле” сүзе үзе испан теленнән, ә менә испаннарга ул гарәпләрдән алар Испанияне яулап алган вакытта кергән һәм тамыры белән “Валлаһи” яисә “Аллаһ” сүзенә барып тоташа.
2) Владимир Высоцкий  Лев Яшин хөрмәтенә җыр язган.
3) Мәскәүдән Һималайларга кадәр иң яхшы футболист дип фанатлар Ринат Дасаевны атаганнар.
Бу – соңгы сораулар түгел. Алга таба төрле фәннәргә (тарих, физика, биология һ.б.) һәм тормыш-көнкүрешкә бәйле кызыклы сораулар тәкъдим итәчәкбез. Стимуллар да булачак.