Минзәлә районы тәрбиячеләре балаларны тәрбияләүнең инновацион ысуллары турында фикер алыштылар

«Мәктәпкәчә яшьтәге балаларны танып-белү үсешен оештыруда инновацион алымнар» — шундый тема астында 10 нчы «Чишмә» балалар бакчасында өлкән һәм әзерлек төркемнәре тәрбиячеләренең район методик берләшмәсе узды.

Педагоглар тәрбияче Ләйсән Рафиковнаның «Без — волонтерлар» әзерлек төркеменең балалар белән занятиесен карадылар һәм анализладылар. Занятиедә балалар ярдәмгә мохтаҗ булган төрле кешеләргә булыштылар.