Минзәлә
  • Рус Тат
  • КӨЗ

    Сәхия ФЕДОТОВА

    Ал, шәмәхә, зәңгәр төсләр
    Кала ямьле җәйләрдә.
    Муеныма туры килә
    Кызгылт шарф бәйләргә.

    Гәрәбәдәй сары күлмәк
    Киеп куям остемә.
    Могҗизаларга сәләтле —
    Ышанам үз көчемә.

    Түшемдәге муенсалар
    Шәфәкъ кызыллыгыдай.
    Озын җирән толымнарым
    Кызлар кызыктырырдай.

    Аягымдагы чүәгем
    Сәйлән белән чигелгән.
    Алтын көзнең бар хикмәте-—
    Җиргә муллык сибелгән.

    Күрәмсез, күркәм күренәм
    Ал, шәмәхә төсләрсез.
    Киек казлар китеп бара
    Тезелешеп җепләрсез.

    Сары яулыгымны болгыйм
    Китеп барган казларга.
    Тезелешеп кайтыгыз сез
    Туган илгә язларда.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: