Беренче кар яуды Аюда

Бөтерелеп төшә энҗе карлар,
Ак болыттан гүя түгелә...
Балачакта беренче кар күреп
Сөенгәнем һаман күңелдә...

Колагымда тора әниемнен:
Беренче кар яуган, тор кызым!
Тәүге карлар белән кайтып киләм,
Балачакларыма hәр көзен...

Ап-ак карга бармак белән сызып,
Сүзләр яза идем куанып.
Үткәннәрне кабат урап килдем,
Ак кар күргәч иртән уянып...

Күңел күзләребез сукырайды,
Сөенә бит күңел бик сирәк.
Ак кардан да ләззәт ала белгән,
Сабыйлардан икән ал үрнәк!

Автор - Гөлара Шарипова

Фото: АЮ КЛУБЫ