“Алтынчәч”тә “Уеннар ярминкәсе” дип аталган бәйрәм иртәсе узды

"Алтынчәч"тә "Өлкәннәр көненә багышлап "Уеннар ярминкәсе" дип аталган бәйрәм иртәсе булып узды. Бәйрәмгә "Умырзая" төркеменә йөрүче нәниләребезнең рус, татар, мари костюмнарын кигән әбиләребез килгән иде. Алар безгә үзләренең кечкенәдән уйнап үскән милли уеннарын өйрәттеләр. Мари әбиебез - Коростина Галина мари санамышларын өйрәтсә, рус әбиебез - Есипова Нина "Чишмәкәй" уенын уйнатып, балаларга күчтәнәч итеп алып килгән прәннекләре турында сөйләде, аларны балаларга бүләк итте. Татар әбиебез - Газизова Нурия әби "Түбәтәй"уенын уйнатып безнең күңелләрне күтәрде. Без - балалар, тәрбиячеләр әбиләребезгә яхшы теләкләр теләп киләсе бәйрәмнәргә чакырып калдык.