Шагыйрьнең батырлыгы һәм иҗаты укучыларга патриотик тәрбия бирүдә үрнәк булып тора

15 нче февраль көнне татар халкының бөек шагыйре, Советлар Союзы Герое, Ленин премиясе лауреаты Муса Җәлилгә багышланган әдәби кичә булды. Кичә үткәреләчәк зал шагыйрьнең шигырьләренә ясалган иллюстрацияләр, китап күргәзмәсе, тормыш юлына багышланган стенд белән бизәлгән иде. Укучылар шагыйрьнең төрле чорларда иҗат иткән шигырьләрен сөйләделәр һәм сәхнәләштерделәр. Кичә Муса Җәлилнең тормыш юлын һәм иҗатын чагылдырган презентация белән үрелеп барды. Муса Җәлил - көрәш һәм иҗат батырлыгын күрсәткән тиңдәшсез шагыйрь. Аның батырлыгы - кабатланмый торган батырлык.