Минзәлә
  • Рус Тат
  • Актив җәмәгать эшчәнлеге

    Күптән түгел башкалабыз Казанда - Татар дәүләт филармония бинасында ТР ветераннарының (пенсионерларының) иҗтимагый оешмаларының республика активы булды, анда республикадагы барлык районнарның да вәкилләре катнашты. Бу чараны ТР Президенты Рөстәм Миңнеханов булышлыгы белән әлеге оешманың республика советы рәисе оештырган иде. Биредә безнең районнан 13 кешелек делегация катнашты.

    Ветераннар алдында ветераннарның (пенсио-нерларның) республика иҗтимагый оешмасы рәисе Хәбир Иштирәков чыгыш ясады, биредә катнашучы­ларны Ватанны саклаучылар көне белән котлады, алдагы сайлаулар турында искәртеп узды. Сугыш, хезмәт, Кораллы Көчләр һәм хокук саклау орган­нары ветераннары хәрәкәтен үстерү буенча актив җәмәгать эшчәнлеге алып барган өчен район вете­раннар советы рәисе Павел Григорьевич Петровка Бөтенроссия ветераннарының иҗтимагый оешмалар советы президиумының Мактау грамотасы тапшы­рылды. Бәйрәм уңаеннан филармония сәхнәсендә республиканың атказанган сәнгать осталары көче белән зур концерт булды.

    Реклама

    Әлеге чараны бар яклап та искитмәле оста итеп оеш­тырганнар иде. Шушы мәһабәт филармония бинасын­да безне зурлаганнары өчен, шушы чарага баруны оештырганнары өчен район хакимиятенә, район баш­лыгы Рәсим Садыковка зур рәхмәтебезне җиткерәбез. Шушы озын юлда безне хәвеф-хәтәрсез йөртеп алып кайтканы өчен АТП шоферы Разил Сугаеповка, АТП директоры Рамил Кәримовка да рәхмәтләребез ба­рып ирешсә иде. Мондый сәяхәтләрнең соңгысы бул­мавына ышанып калабыз.

    Нравится
    Поделиться:
    Реклама
    Комментарии (0)
    Осталось символов: