Минзәлә

Минзәлә районы

Рус Тат
Җәмгыять

Декларацияләрне – үзвакытында

Агымдагы елның 1 гыйнварынна декларация кампаниясе старт алды. Әгәр дә сез узган елда өстәмә керем алгансыз икән, салым органына керемнәр турында 3-НДФЛ формасында декларация тапшырырга онытмагыз.

2011 ел өчен декларацияне тап­шырырга тиешле затлар:

- 2011 елда күчемсез милек (то­рак йортлар, фатирлар, дача­лар, җир кишәрлекләре, шулай ук милек өлешен), транспорт чаралары һәм башка милек са­тудан керем алучы гражданнар (милек кимендә 3 ел граждан­нар хосусыйлыгында булган очракта);

- фатирын (йорт, дача һ.б.), ав­томобилен, гаражын һәм башка мөлкәтен арендага тапшырудан керем алган гражданнар;

- салым агенты булмаган физик затлардан гражданлык-хокукый характердагы килешүләр бу­енча башкарган эшләре өчен бүләкләнгән гражданнар;

- башка керем алганда салым агенты тарафыннан НДФЛто­тылмаган гражданнар;

- лотерея, тотализатор һәм тәвәккәллек таләп итүче башка отыш алган гражданнар (шул исәптән уен автоматларыннан файдаланган өчен);

- безнең илдән читтәге чыга­наклардан керем алучы граж­даннар (РФның салым рези­дентлары);

- физик затлардан бүләккә күчемсез милек, транспорт ча­ралары, акцияләр, өлешләр, пайлар алучылар (гаилә әгъзаларыннан һәм якын туган­нардан тыш);

- фән, әдәбият, сәнгать әсәрләре авторларының, шу­лай ук файдалы модельләр һәм сәнәгатъ үрнәкләрен уйлап чы­гаручы авторларның варисла­рына (хокук күчемлегенә ия булучыларга) бүләк рәвешендә түләнгән керемнәр алучы граж­даннар.

Традиция буенча үз керемнәре хакында түбәндәге затлар исәп тотарга тиеш:

- махсус салым режимын кул­ланмаучы шәхси эшмәкәрләр;

-шәхси рәвештә эшләүче нота­риуслар;

- адвокатлык кабинеты булдыр­ган адвокатлар.

Физик затларның керемнә- реннән түләнергә тиешле са­лым суммасын салым түләүче мөстәкыйль рәвештә башкарыр­га тиеш. Салым түләүче салым суммасын билгеләгәндә алын­ган керемне милек чигерүләре суммасына киметергә хокуклы. Чигерү күләме милек төренә һәм аның салым түләүче хо­сусыйлыгында булу срогына бәйле.

Аерым алганда, әгәр дә са­лым түләүче өч елдан ким бул­маган хосусыйлыктагы торак йортын, фатирын, бүлмәсен (приватизацияләнгән торак би­наларны да кертеп), дачасын, бакча йортын, җир кишәрлеген яисә күрсәтелгән милектәге өлешен сата икән, чигерү са­тудан алынган суммада, әмма 1000000 сумнан ким булмаган күләмдә билгеләнә. Башка төр милек сатылганда (транспорт, торак булмаган бина, метал­лолом һ.б.лар), чигерү гомуми суммада 250000 сумнан арта алмый.

Әгәр дә югарыда күрсәтелгән милек салым түләүче хосу­сыйлыгында өч елдан артыг­рак булган икән, бу очракта салым органына декларация тапшырылмый.

Декларацияне билгеләнгән срокларда тапшырмаган өчен шушы декларация нигезендә аны тапшырырга тиешле тулы яисә тулы бул­маган ай өчен түләнмәгән са­лым суммасының 5 проценты күләмендә, әмма күрсәтелгән суммадан 30 процентка ар­тмаган һәм 1000 сумнан ким булмаган күләмдә штраф түләтү каралган.

Декларация тапшыру өчен кирәкле документлар:

-гариза һәм салым чигерүләре хокукын бирүче барлык доку­ментлар (әгәр андыйлар бул­са);

- килешүне раслаучы документларның күчермәләре;

- паспорт, ИНН күчермәләре.

Исегезгә төшерәбез, декла­рацияне 2012 елның 2 маен­нан соңармыйча тапшырыр­га кирәк, исәпләнгән салым­ны түләү - шушы елның 16 июленә кадәр.

Белешмәләр өчен телефоннар: 8 (8552)74-70-01,74-70-02.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев