Минзәлә
  • Рус Тат
  • Еллык эшкә йомгак ясалды

    РФ Пенсия фондының ТРбүлеге Минзәлә һәм Мөслим районнары идарәсе утырышында яңгыраган 2011 ел эшчәнлеге йомгаклары.

    Идарә 16014 (Минзәлә 9111), (Мөслим 6903) пенсионерга хезмәт күрсәтә. Шуларга бары­сы 2011 елда 1546 млн сум пен­сия түләнгән, бу 2010 ел белән чагыштырганда 8 процентка күбрәк.

    Узган хисап елында уртача пен­сия 599 сум 92 тиенгә күтәрел­гән.

    2012 елның 1 гыйнварына Мин­зәлә районында уртача пенсия 7408 сум 99 тиен, Мөслим райо­нында 7239 сум 38 тиен тәшкил итә.

    Идарә пенсияләрне 10 көн эчендә билгели, бу күрсәткеч буенча ул республикада бе­ренче урынны били. Идарә хезмәткәрләре клиентларның документларын алып, аларны 40 минут эчендә кабул итеп, тикшереп җибәрәләр.

    Реклама

    Минзәлә районы буенча 196 млн сум, Мөслим районы бу­енча 123 млн сум күләмендә үзфинанслау иминият кертем­нәре кергән.

    Финанслауда дәүләт ярдәме күрсәтү программасы буенча агымдагы елның 1 гыйнвары­на ике район халкының ниба­ры ике проценты - 1216 кеше (Минзәлә - 640, Мөслим - 576) программага кушылу турында гариза тапшырган. Бу програм­ма, югыйсә, 3 ел эшли инде, ә республика буенча бу програм­мада 4,4 процент кеше кушылу турында гариза биргән.

    Хезмәт коллективларында 161 тапкыр очрашулар оештырган. Алар уку йортларына барып, 113 мәртәбә чыгыш ясаган, оешма-предприятиеләрнең кадрлар хезмәткәрләре белән 19 семинар-уку уздырган.

    * * *

    Ана капиталы өчен идарә буен­ча 2007 елдан бирле 1660 граж­дан дәүләт сертификаты алган. Соңгы 2011 елда ана капиталын алу өчен Минзәләдән 173, Мөс­лимнән 146 гариза кергән.

    Нравится
    Поделиться:
    Реклама
    Комментарии (0)
    Осталось символов: