Минзәлә
  • Рус Тат
  • Игенче язны ашыктыра

    "Әлеге вакытта 14 дым каплату, 10 культивация, 7 чәчү агрегатына ремонт үткәрелгән, басуларга чыгачак 13 тракторның барысы да әзерлек сызыгына куелган", - ди агроном Мөнир Моратов.

    Агрофирмага кыр эшләрен башкарып чыгу өчен 1000 тонна минераль ашлама кирәк булачак. "Безнең бүлекчәдә былтыргыдан ким булмаган күләмдә мине­раль ашлама кайтачак", - ди "Вамин Минзәлә" агро­фирмасының "Якты юл" бүлекчәсе җитәкчесе Илдар Зәкәриевич. Тулысы белән чәчү кондициясенә җитке­релгән орлыкның күпчелеге II репродукцияле. 350 т бодай, 310 т арпа, 75 т борчак орлыгы әзерләп куел­ган, алар инкрустацияләүне генә көтеп яталар.

    Бу хуҗалык механизаторлары "корыч атларын" язгы кыр эшләре чорында ватылып төрле өзеклекләр бул­дырмаслык итеп әзерләгән.

    Реклама

    - Уңган егетләребезгә таянып эшлибез, - ди Илдар әфәнде. - Механизаторлар Юрий һәм Александр Кор­шуновлар, Сергей Колпаков, Юрий Лебедев, Влади­мир Тощев, Леонид Кудрявцев, Азат Фәрдиев, Газинур Шәфиуллин, Фаил Ганиев, Рим Галиев, токарь Илизар Фарахов һәм башка егетләребез үзләренә йөкләтел­гәнне төгәл һәм вакытында башкарып өйрәнгән. Шуңа эшләребез көйле бара.

    Хуҗалыкның ындыр табагында да эшләр яхшы гына бара. Склад түбәләрен кардан арындырганнар, сте­на буйларындагы карны чистартып кына торалар. Бу эштә Илфир Әхметшин, Илнар Ибәтуллин, Радис Га­раев, Җәүдәт Мөхәмәтҗанов, Гөлназ Каюмова, Екате­рина Кузнецова сынатмыйлар. Бу араларда еш яуган кар аларга тынгылык бирми.

    Мал азыгы культураларына да игътибар зур, күпьел­лык үлән басулары даими яңартыла, быел да 70 гек­тар чәчү планлаштырыла. Хуҗалыкта 500 гектар кат­наш азык, 600 гектарда кукуруз чәчәргә ниятлиләр.

    Нравится
    Поделиться:
    Реклама
    Комментарии (0)
    Осталось символов: