Коры һава тыя

Янгынга каршы махсус режимга бәйле рәвештә ур­ман аланнарында, болыннарда үлән, басуда ка­мыл яндыру катгый тыела. Урман янгыннарының яшь үсентеләргә җитди зыян салуын күздә тотып, Минзәлә урманчылыгы авыл җирлекләре башлы­кларына, төрле оештыру-хокукый формасындагы оешмаларның җитәкчеләренә коры үләннәрне, авыл хуҗалыгы файдалануындагы җирләрдә камыл кал­дыкларын яндыруга юл куймаска тәкъдим итә.

Язгылыкта урман янгыннарының пик чоры май бәйрәмнәренә туры килүен истә тотып, МЧС һәм МВД органнары вәкилләре белән берлектә оператив груп­палар оештыру, урман янгыннарына бәйле рәвештә гадәттән тыш хәлләрне булдырмау максатыннан бердәм рейдлар үткәрү күздә тотыла. Мондый чара­ларны катгыйландыру республика территориясендә коры җилле һава урнашуына бәйле.

Янгынга каршы махсус режим кагыйдәләрен бозган өчен гражданнарга 2 мең сумнан 4 мең сумга кадәр, урындагы затларга 15 мең сумнан 30 мең сумга кадәр штраф каралган