Максаты – хуҗасызлыкны киметү
Татарстан Президенты 2012 елның беренче июнендә "Татарстан Республикасында - халык контроле дәүләт мәгълүмат челтәре турында"гы Указга кул куйды. Безнең буын халык контроле турында ишетеп кенә түгел, конкрет эшләрдә белә. Әйе, ул КПСС хакимлек иткән чорда аның көчле коралы булды. Әлеге комитет хәтта районнарда да бар иде. 1965 ел ахырында оешкан...
Татарстан Президенты 2012 елның беренче июнендә "Татарстан Республикасында - халык контроле дәүләт мәгълүмат челтәре турында"гы Указга кул куйды.
Безнең буын халык контроле турында ишетеп кенә түгел, конкрет эшләрдә белә. Әйе, ул КПСС хакимлек иткән чорда аның көчле коралы булды. Әлеге комитет хәтта районнарда да бар иде. 1965 ел ахырында оешкан комитетның вәкилләре күз буяучылыкка, урлаучыларга, ришвәт бирүчеләргә (!), хуҗасызлыкка каршы көрәштеләр. Кискен фильмнары белән истә калган "Фитиль" әнә шул елларның җимеше. Әйткәнемчә, ул вакытта халык контроленнән нык куркалар иде. Беренче демократ Борис Ельцин хакимлек итәргә комачаулар дипме, әллә аны чыннан да партия органы дип бутапмы, 1990 елда РСФСР халык депутатлары съездында әлеге органны бетерергә иреште. Һәм менә яңадан "халык контроле". Аның иң беренче булып Татарстанда оешуы юкка түгел һәм күренекле факт. Иң мөһиме сүздә калмасын, һәм чыннан да республикадагы төрле өлкәләрдә кимчелекләрне бетерүгә ярдәм итсен иде. Дөрес, бу юлы халык контроле дәүләт органы да түгел, Министрлар ка-бинетының структурасына да кермәгән, ә гражданнарның инициативасына өметләнеп, "Электрон хөкүмәт" кысаларында алып барылачак. Ягъни гражданнар үзләре яшәгән авылда, шәһәрдәге тормыш итәргә комачаулаучы җитешсезлекләр хакында электрон системага хәбәр куячаклар. Әйтергә кирәк республика халкы Президентның инициативасын теләп кабул итте. Үткән вакыт эчендә меңнән артык мөрәҗәгать булган.
Районда "Гостевая книга" бүлегендә андый кимчелекләр хакында языла башлаган иде. Әмма аның администраторы ул сайтта шәхси кимсетүләр, шәхси мөнәсәбәтләр хакында информациягә урын бирә башлагач, ул бүлекне яптылар. Һәм дөрес эшләделәр. "Әтрәкле" сайтында да авыл җирлегендәге кимчелекләр хакында информация күренгәли. Бу хакта авылда яшәп сайтны алып баручы яза. Җирлек башлыгы Рөстәм Газизҗановтан бу хакта фикерен сораган идем:
- Тәнкыйть итәкләрне җыеп йөрергә, кул җит-мәгән проблемаларны тизрәк хәл итәргә этәрә, диде ул. - Эш темпын арттыруга, яшәү шартларын яхшыртуга мөмкинлек бирергә юнәлтелгән позитив булса, бигрәк тә, дип өстәде.
Апрельдә үк эшли башлаган дәүләт һәм муниципаль хезмәтләр порталындагы (uslugi.tatar.ru) cистемага 20 төрле категория (чүплекләр, элемтә линияләре, эшмәкәрләр социаль хезмәт күрсәтү, чиста һава һәм башкалар) буенча үз фикереңне белдерергә була. Фикер-ләр, заявкалар, проблемалар 10 көндә карала.
"Татмедиа"ның Минзәлә филиалы сайтында (www.menzela.ru) "Гостевая книга" бүлеге бар. Проблемаларыгыз булса турыдан-туры газетага язып җибәрегез яисә сайтка куегыз. Тик зинһар ненорматив лексика булмасын һәм конкрет тәкъдимнәр генә көтәбез. Алар район башлыгына җиткереләчәк. Хәер, район администрациясендә дә махсус телефон бар: 3-29-58. "Ышаныч тартмалары" куелуын да хәбәр иткән идек инде.
ВКонтакте: Мензелинск news - Мензеля-информ
Telegram-канал: Мензелинск news - Мензеля-информ
Иң мөһим һәм кызыклы язмаларны Татмедиа Telegram-каналында укыгыз
