Минзәлә
  • Рус Тат
  • Минзәләдәге күпкатлы йортларда яшәүчеләр хезмәт күрсәтү службалары җитәкчеләре белән очрашты

    Шушы көннәрдә район хакимиятенең утырышлар залында шәһәребездәге күпкатлы йортлар буенча җаваплы кешеләрнең хезмәт күрсәтү службалары җитәкчеләре белән очрашулары булды. Әлбәттә, мондый очрашулар элегрәк тә булган иде, әмма анда күтәрелгән кайбер проблемалар һаман чишелеш көтә. Әйтик, Кадомцевлар урамындагы 66 нчы йорт буенча җаваплы ханым шул хакта сүз кузгатты: -Узган ел октябрь...

    Шушы көннәрдә район хакимиятенең утырышлар залында шәһәребездәге күпкатлы йортлар буенча җаваплы кешеләрнең хезмәт күрсәтү службалары җитәкчеләре белән очрашулары булды.

    Әлбәттә, мондый очрашулар элегрәк тә булган иде, әмма анда күтәрелгән кайбер проблемалар һаман чишелеш көтә. Әйтик, Кадомцевлар урамындагы 66 нчы йорт буенча җаваплы ханым шул хакта сүз кузгатты:

    -Узган ел октябрь аенда булган очрашу вакытында безнең йорт ишегалдына җәелгән асфальт читләп вак таш салмаслармы дип гозеребезне җиткергән идек: ул хәл ителмәгән килеш калды. Йорт түбәсенә күгәрченнәр кереп йөдәтүен ничә тапкыр күтәреп чыктык, аны да ябучы юк. Йортыбызның выятжная системасы да борчу тудыра. Фатирларда газ казаннарына техник күзәтү үткәрелгәне дә юк, диде ул.

    Газ казаннарына техник күзәтүгә, җылылык системасын юдыртуга бәйле сорауларны Изыскательләр урамы, 4/2 нче йорттагылар да бирде:

    -Техник күзәтүгә 1500 сум түлибез, нигә җылылык системасын юдыртканда өстәмә түләү алалар?

    Очрашуда катнашкан Татрегионсервис вәкиле Александр Семенов:

    - Килешү нигезендә шулай, юдырту өчен 1 контурлыга 820 сум түлисе, сезнең 2 контурлы газ казаннары, 1640 сум була.

    К.Либкнех урамындагы ветераннар йортыннан да газ казаннары белән бәйле сораулар булды.

    Очрашуда Идарәче компаниянең директор урынбасары Роман Коротин чыгышы да тыңланды. Ул компаниянең эшчәнлеге турында сөйләде. 2014 елгы капремонт программасына кергән йортлар исемлеге белән таныштырды. Капиталь ремонтлау программасына күпкатлы йортларның нинди критерийлардан чыгып сайлап алынуы буенча сораулар булды.

    -Безнең Изыскательләр урамы,1/21 нче йорт 1969 елгы, аны капремонт программасына ничек кертергә? -диде әлеге йорт буенча җаваплы кеше.

    -Әлеге программа 2017 елга кадәр, иң беренче чиратта йортта яшәүчеләр исеменнән гариза язарга кирәк, -диелде очрашуда.

    Кайчакта проблемалар агымдагы яисә капремонт ремонт эшләрен башкаручы подрядчыларның эшкә ничек карауларына да бәйле. Изыскательләр урамы,1/32 йорттагыларның моң-зары шул хакта:

    - Йортыбызга капремонт ясалды, анысына рәхмәт. Йортның тышкы ягын сайдинг белән тышладылар, әмма тәрәзә яңаклары (откослар) ачык калды, шуннан яңгыр, кар тула. Подъездга да ремонт таләп ителә, -дип гозерләрен белдерде алар.

    Изыскательләр урамы, 4/2 нче йорттагылар йортларының бер як кәрнизе юклыгы турында зрларын белдерделәр.

    Күпкатлы йортларда яшәүчеләрнең хезмәт күрсәтү службаларына карата моң-зарлары күп җыелган иде. Шуңа күрә аларның гозерләрен язмача тапшырырга тәкъдим ителде. Район башлыгы Айдар Салахов шәһәрдәге хезмәт күрсәтү службалары җитәкчелегенә һәм Идарәче компаниягә борчыган проблемаларны өйрәнергә кушып, кузгатылган мәсьәләләрне әкренләп тәртипкә китерәчәкбез, дип вәгъдә итте.

    Шунысы бар, мондый очрашуларның һәр ай саен үткәреләчәге турында әйтелде. Димәк, үткән айда кузгатылган мәсьәләләрнең үтәлешенә кабат әйләнеп кайтырга җай чыга дигән сүз.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: