Минзәлә
  • Рус Тат
  • Мирасны рәсмиләштерү

    Күчемсез милеккә булган хокукны мирас итеп алуны рәсмиләштерү - ул юридик акт, бу мәсьәлә белән, иртәме-соңмы, һәркем очраша. Газета укучылардан да бу хакта сораулар әледән-әле кереп тора. Шуны истә тотып, мираска кагылышлы сораулар белән без ТР буенча Росреестр Идарәсенең Минзәлә бүлеге начальнигы Елена Кәлимуллинага мөрәҗәгать иттек. -Елена Николаевна, мирасны рәсмиләштерүне...

    Күчемсез милеккә булган хокукны мирас итеп алуны рәсмиләштерү - ул юридик акт, бу мәсьәлә белән, иртәме-соңмы, һәркем очраша. Газета укучылардан да бу хакта сораулар әледән-әле кереп тора. Шуны истә тотып, мираска кагылышлы сораулар белән без ТР буенча Росреестр Идарәсенең Минзәлә бүлеге начальнигы Елена Кәлимуллинага мөрәҗәгать иттек.

    -Елена Николаевна, мирасны рәсмиләштерүне нәрсәдән башларга?

    -Беренче чиратта варис мирас калдыручы үлгән көннән соң 6 ай эчендә нотариуска мөрәҗәгать итәргә тиеш, чөнки нотариус мирасны ачу урыны буенча мираска кагылышлы эшләрне башкаручы вәкил булып тора. Варис аңа милеккә булган хокукын аныклаучы документларны бирергә тиеш. Әгәр варисның бу документларны китереп күрсәтергә мөмкинлеге булмый икән, нотариус мираска булган хокук турында таныклык бирүдән баш тарта, һәм вариска үзенең хокукларын судта якларга кала.

    -Мирас калдыручының күчемсез мөлкәте булу-булмавын ничек белергә мөмкин? Бәлки аның мөлкәте юктыр?

    -Мондый мәгълүматны фәкать мираска хокукы булган зат кына белә ала. Моның өчен нотариуска мөрәҗәгать итәргә кирәк. Ул Росреестр Идарәсенә запрос ясый, 5 эш көне эчендә мирас калдыручының милке турында мәгълүмат алына. Варис мондый мәгълүматны мөстәкыйль дә соратып алырга мөмкин, әмма моның өчен үзенең мирас иясе булуын раслаучы документлар таләп ителә.

    -Мираска калдырылган теге яки бу күчемсез милеккә булган хокукны рәсмиләштерү өчен сезнең Идарәгезгә нинди документлар тапшырырга кирәк?

    -Иң беренче чиратта гариза кирәк, ул документлар тапшырганда тутырыла;

    2.Гариза бирүченең яки аның ышанычлысының шәхесен раслаучы документы (паспорты); Әгәр ул ышаныч кәгазе буенча мөрәҗәгать итә икән, ул нотариуста расланган булырга тиеш.

    3.Мираска хокук турында таныклык;

    4.Мираска калдырылган мөлкәтне бүлү турында килешү (әгәр андый килешү төзелгән булса);

    5.Дәүләт пошлинасын түләү турында документ.

    Юридик затларга өстәмә рәвештә учредитель документлары да талып ителә.

    -Дәүләт пошлинасының күләме зурмы?

    -Физик затлар өчен (мирас өлешенең күпме булуына бәйсез рәвештә) 1000 сум, юридик затлар өчен - 15000 сум.

    -Мөлкәткә булган хокукны рәсмиләштерү күпме вакыт эчендә башкарыла?

    -Мираска калдырылган күчемсез милекне дәүләт теркәвен Татарстанда кыскартылган срокта, 5 эш көнендә башкару каралган.

    -Моның сәбәбе нәрсәдә, мирасны рәсмиләштерү җиңелрәкме әллә?

    -Юк, әлбәттә. Безнең Идарә гражданнарга уңайлы булсын дип аның срогын киметте. Чөнки мирасчылар күбесенчә башка шәһәрләрдә яшиләр, күчемсез милекне рәсмиләштерү сроклары алар өчен әһәмиятле урын алып тора.

    Сан

    Росреестр Идарәсенең Минзәлә бүлеге буенча 2013 елда 548, агымдагы елның 3 аенда 156 мирас итеп калдырылган мөлкәткә хокук рәсмиләштерелгән.

    Мираска калдырылган күчемсез милекне дәүләт теркәвен Татарстанда кыскартылган срокта, 5 эш көнендә башкару каралган.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: