Минзәлә
  • Рус Тат
  • Паспортың тәртиптәме?

    Сайлаучыларга сайлау бюллетеньнәре РФ гражданнарының шәхесен раслаучы паспортын яисә аны алыштыручы башка төрле документын күрсәткәндә бирелә.

    Гамәлдәге закон нигезендә РФ территориясендә РФ гражданнарының шәхесен раслаучы документ була­рак түбәндәге документлар кулланыла ала:

    -1997 елның 13 мартындагы 232 нче санлы РФ Пре­зиденты Указы һәм 1997 елның 8 июлендәге 828 нче санлы РФ Хөкүмәте Карары белән расланган РФ гражданының паспорты турындагы Положениесе та­рафыннан гамәлгә кертелгән РФ гражданы паспор­ты;

    - түбәндәге очракларда 1974 елгы үрнәктәге СССР гражданины паспорты: әгәр анда РФ гражданлыгы күрсәтелгән булса; яки РФ гражданлыгына ия бу­луын раслаучы вкладышы булса; яки 1992 елның 6 февраленә РФ территориясендә даими яшәвен раслаучы яшәү урыны буенча пропискасы барлыгын күрсәтүче штамп булса. Болардан тыш 1974 елгы үрнәктәге СССР паспортына тиешле яшьләр тулгач фотография беркетелә;

    - 1997 елның 13 мартындагы 232 нче санлы РФ Пре­зиденты Указы һәм 1997 елның 8 июлендәге 828 нче санлы РФ Хөкүмәте Карары белән расланган РФ гражданының паспорты турындагы Положениесе та­рафыннан гамәлгә кертелгән РФ гражданы шәхесен раслаучы вакытлыча бирелүче таныклык.

    1997 елның 8 июлендәге 828 нче санлы РФ Хөкүмәте Карары белән расланган РФ гражданының паспорты турындагы Положениесенең 7 нче пункты нигезендә РФ гражданы паспорты түбәндәге срокларда гамәлдә дип исәпләнә:

    14 яшьтән алып 20 яшь тулганчыга кадәр;

    20 яшьтән алып 45 яшь тулганчыга кадәр;

    45 яшьтән башлап гомерлеккә.

    Гражданга 20 яшь, 45 яшь тулгач (бу хезмәткә чакыру буенча хәрби хезмәт үтүчеләргә кагылмый) паспорт алыштырылырга тиеш

    Нравится
    Поделиться:
    Реклама
    Комментарии (0)
    Осталось символов: