Минзәлә
  • Рус Тат
  • Тротуарлар гына юк

    Минзәлә - гүзәл табигатьле, җайга салынган ритмда яшәүче зур булмаган шәһәр.

    Биредә экологиягә зыян китерүче сәнәгать предприятеләре юк, җилләр чаты да кулай, яшеллек тә җитәрлек. Шәһәр яши һәм үсеш ала. Әмма шәһәребезнең кай­бер урамнарында йөреп чык­каннан соң тротуарлар булма­уның зур проблема икәнлегенә тагын бер кат инандык.

    Мисалга Боз сарае янәшәсендәге Школьная ура­мын алыйк. Тротуарга бер як­тан гына брусчатка җәелгән, ул да шәхси йорт янында өзелеп, күлләвеккә тоташа. Шунлык­тан җәяүле барган җиреннән машина юлына чыгып, юлын юл читеннән дәвам итәргә мәҗбүр. "Көн саен балалар белән йөрибез, хәрәкәт итүче транспорт бик күп, ә тротуар юк. Кайчан ясарлар икән?" - ди шәһәрдәшебез Гөлнара Алек­сандрова.

    Гурьянов урамында да шундый хәл. Җәяүле пычракка батып, күлләвекләрне әйләнеп узарга мәҗбүр. Мондый урамнар бик күп. Бу участоклар җәяүлегә, аеруча укудан кайтучы мәктәп укучылары һәм студентлар өчен бик җайсыз һәм куркы­ныч.

    Нравится
    Поделиться:
    Реклама
    Комментарии (0)
    Осталось символов: