Минзәлә
  • Рус Тат
  • Яшертен эшләмиләр

    Газетабызның 14 март санында Мәдинә Сәхәбиеваның "Бармы тәвәккәлләр?" дигән язмасы чыккач , анда телгә алынган "Татрегионсервис"ҖЧҖ җитәкчелегенең шунда ук реакция ясавын билгеләп үтәргә кирәк.

    Әллә инде аларга "бу оешма вәкилләре бик яшертен эшлиләр" дигән сүзләр барып төртелде- ме, безгә оешма дирек­торы Р.Мөхтәрова кул куйган хат килеп иреште. Шушы хатны укып чыккан­нан соң ике контурлы газ казаннарын ремонтлауга кагылышлы мәсьәләгә азмы-күпме ачыклык кер­де төсле.

    "Татрегионсервис" ҖЧҖ райондагы күпкатлы йортлардагы фәкать "CELTIC-DS" ике контур­лы газ казаннарына гына хезмәт күрсәтә. Алар карамагында бүгенге көндә шәһәребездә һәм авылларда шундый 3500 газ казаны бар. Әлеге оешманың безнең район­да өч вәкиле эшли. Бо­лар: Александр һәм Иван Семеновлар, Роман Ер­молаев. Кышкы көннәрдә аларның һәрберсенә 10ар заявка буенча хезмәт күрсәтергә туры килә.

    "Татрегионсервис" ҖЧҖ белән килешүегез бар икән, газ казаннарына бәйле ниндидер проб- лема килеп туганда әлеге оешмага 071, 8- 9179000900 телефоннары буенча хәбәр итәргә кирәк. Барлык мөрәҗәгатьләрне оешманың диспетчерлык службасы кабул итә. Го­зерегезне җиткереп тә, ягъни заявка биреп тә аның буенча бернинди дә җавап булмаса, монда югарыда телгә алынган вәкилләрнең бер катышы да юк, чөнки алар заявка буенча эш башкаручылар гына. Ике арада төзелгән килешүгә күз салсак, анда планнан тыш ремонт, ягъ­ни заявкалар буенча ре­монт эшләре 24 сәгать эчендә башкарылырга тиеш, диелә.

    Реклама

    Газ җиһазларына техник хезмәт күрсәтүгә килсәк, бу хакта Рәмзия Вагизов­на язганнарга тукталып үтик.""Татрегионсервис" ҖЧҖ газ җиһазларына гарантияле техник хезмәт күрсәтү төрләрен "2К Аудит Деловые Консультации" бәйсез консалтинг груп­пасы белән бердәмләшеп эшләде. Техник хезмәт күрсәткән өчен һәр фа­тирдан елына 1179 сум алына, аның 919 сумы газ казанына техник хезмәт күрсәткән өчен, 260 сумы - җылылык контуры өчен. Техник хезмәт күрсәтү - ул, газ казаны һәм җылылык системасының эшчәнлеген яки төзек- леген тәэмин итү буен­ча башкарылучы эшләр комплексы. Планнан тыш, ягъни заявка буенча баш­карылган эшләр дә шуңа керә", диелә хатта. Газ ка­заны сафтан чыгып нинди дә булса запчасть кирәк булса, аны газ казаны хуҗасына тегендә-мон­да барып эзләп йөрисе юк, аларын да шушы вәкилләр юнәтә. Билгеле, алынган кирәк-ярак өчен вәкил язып биргән квитан­ция буенча банкка барып түләргә кирәк. Шулай итеп запчастьлар түләүле, ә шуларны көйләп кую буш­лайга башкарыла дигән сүз.

    "Газ тараткыч систе­маларны техник экс- плуатацияләү" турындагы стандартлар нигезендә торак биналардагы газ җайланмаларына тех­ник хезмәт күрсәтү өч елга кимендә бер тапкыр үткәрелергә тиеш. Газ җайланмасының гаран­тия срогы чыкканнан соң, бу газ җайланмасына (ул икенчегә алышты­рылганчыга кадәр) тех­ник хезмәт күрсәтү то­рак биналардагысына ким дигәндә елга бер тапкыр, җәмәгатьчелек б и н а л а р ы н д а г ы с ы н а кимендә 6 айга бер тап­кыр үткәрелергә тиешле­ге дә әйтелә Р.Мөхтәрәва биргән җавапта.

    Ләкин язмада күтәрелгән темага нокта куяр­га иртәрәк әле. Чөнки шәһәребездә башка маркалы газ казанна­рыннан файдаланучы­лар да бар. Язма ав­торы М.Сәхәбиеваның да газ казаны "Селтик" түгел, ә Германиядә җитештерелгән "Юнкерс" маркалы. Ә кулында тех­ник хезмәт күрсәтүгә бер оешма белән дә килешүе юк. Андыйларга нишләргә? Киләсе ма­териалда әлеге сорауга җавап эзләячәкбез.

    Нравится
    Поделиться:
    Реклама
    Комментарии (0)
    Осталось символов: