Фәридә Сәхәбиева (Гәрәева) - "Бөтерелеп карлар ява..."

Оялчан гына булып, бөтерелеп
Карлар ява туган ягымда! 
Кыш белән көз тартышкан бу вакыт -
Ноябрь аенда чагыла! 
Инде тиздән кыш аена кереп, каршыларбыз Яңа елларны! 
Берсен - берсе узып, бөтерелеп, 
Кар көртләре баса юлларны.
Шаярышып яуган кар бөртеге, 
Килеп кунды керфек очыма!
Рәхәт булып китте шул чагында, 
Күңел очты- карлы кышыма!
Әллә кыш аенда тугангамы-
Бик яратам ак кар яуганын! 
Сокланам мин, кышның — табигатькә, 
Ап-ак мамык юрган япканын.
Ак кар белән - ак өметләр туа!
Йөрәкләргә иңә ышаныч! 
Жемелдәшеп яткан ак карларым-
Күңелемә сала куаныч!
Шатлык - сөенечләр алып килсен! 
Безгә бу кыш, Яңа еллары. ..
Исәнлек саулыкларга тиенеп,
Үтә бирсен тормыш юллары

Фәридә Сәхәбиева (Гәрәева ) 19.11.2018