Гөлназ Әхмәтшина - "Онытмыйк бер-беребезне"

Гәүдәгездән танып алдым,
тамчыга гына үзгәргән!
бу чаклы матурлыкка
ничек күзләр тимәгән?!

Очраштык салкын кышта,
балачакны сагынып,
сокланабыз һәммәбезгә,
үткәнне искә алып.

Классташларым сагынырлык та,
сез бит шундый шәп дуслар!
сезне искә алган саен,
күңелдә сайрый кошлар!

Онытмыйча мәрхүмнәрне,
хәтирәне саклап йөрәктә,
исән чакларын искә алыйк,
якты йолдыз алар күктә.

Ничек рәхәт сезнең белән!!
бик еш шулай очрашыйк,
онытмыйк бер-беребезне,
исән чакта аралашыйк.