Ринас Гайфин - "... Минзәләнең камиллеге, аның чибәр кызлары..."

Ринас ГАЙФИН

* * *
...Минзәләнең камиллеге,
Аның чибәр кызлары,
Яшәеш иминлеге,
Язда аккан бозлары,

Чәчәк аткан сиреньнәре,
Алсу йөзле сеңелләрем,
Тылсым матур Ык сулары –
Талгын борма юллары,

Гыйшык уты йотып йөргән,
Көйгән җанга сулыш өргән,
Яшьли сагыш, михнәт күргән,
Утка-суга горур кергән

Егетләрең, кызларың –
Илемнең йолдызлары –
Төшемә керә бүген –
Аязлый җаным күген...

Язганнар каләм астында:
Бар да хатирә-язлар!
Яшьлегем, алга бастың да:
- Дәгъвада җылы назлар...

Минзәләнең көллияте
Хәзерли мөгаллимнәр,
Яшьлек язым хөррияте
Йөрәкне төгәл димнәр

Ык буе гүзәленә,
Ис китә түзәремә,
Йөрәгем үзәгенә
Кердең ич көздә генә!

* * *
Хушлашам тәүге сөюдән,
Хушлашам әниемнән,
Хушлашам: “Сөям!” – диюдән
Хушлашам әбиемнән.

Капчыкка тутырды әни
Бәрәңгене, икмәкне,
Һич онытмыйм, үксез нәни
Тоемлаган хикмәтне!

Тәүге мәртәбә сәяхәт
Минзәлә каласына,
Минем өчен бар да хәят –
Укырга барасым да.

Минзәләмнең талларында
Был-был, сандугачларым
Сайрадылар алсу таңнарымда,
Уктай карлыгачларым

Күк кисте буа өстендә
Яңгыр явар көннәрдә,
Яшәү назы хисе өндә
Нурлы, айлы төннәрдә.
* * *
Дүрт ел дүрт юл бу гаршедә –
Сыный һәрбер адымда,
Гыйлем нуры ят күршедә –
Фәрештәләр пар ягымда...

Көллиятнең шәкертендә
Кайный илһам казаны,
Бар язмышлар – “шик этендә”,
Ник югалган азаным??.