Сәхия Федотова - "Хакым бар"

Хакым бар

Яшьлегем үтте дә китте дип
Күңелем, тормачы болытлап.
Синең дә, минем дә дөньяда
Яшәргә хакым бар тынычлап.

Кичләрен чыгам да бакчама,
Уйлыйм бер уемны утырып.
Синең дә, минем дә хакым бар
Суларга үпкәмне тутырып.

Сандугач бакчамда җыр суза —
Чут — чут ди, тыңлыймын онтылып.
Синең дә, минем хакым бар
Яшәргә хыялга омтылып.

Соң түгел беркайчан хыялда
Йөзәргә болытка утырып.
Синең дә, минем дә хакым бар —
Йолдызның кырына тотынып.

Яшьлегем үтте дә китте дип,
Керфекне тибрәтте тамчылар.
Синең дә, минем дә беразга
Күңлебез тулырга хакы бар.

Сәхия Федотова