Аюда гаилә бәйрәме

Бүген Аю гомумбелем бирү мәктәбендә озак еллар укытучы, мәктәп директоры, тәрбия эшләре буенча директор урынбасары булып эшләгән ветераннарның бергә тормыш коруларына 25, 50,65 ел тулу уңаеннан гаилә бәйрәме үткәрелде. Әлеге тантанада район башлыгы урынбасары Рим Нәҗмиев, район граҗданнар хәле актларын теркәү бүлеге җитәкчесе Анна Куприянова, авыл җирлеге башлыгы Нурһади Гыйльфанов катнаштылар. Бу бәйрәмдә алар Гөлҗәннәт һәм Хәсәнҗан Гатауллиннар, Гөлфинә һәм Нурлыбаян Хәлиуллиннар, Фәнҗия һәм Рәҗәп Галиевләрне әлеге күренекле даталары белән тәбрикләделәр, сәламәтлек , шулай тагы да озак еллар бергә яшәүләрен теләделәр,район башлыгының Рәхмәт хатларын һәм истәлекле бүләкләр тапшырдылар. Бәйрәм азагында Гатауллиннар һәм Хәлиуллиннар мәктәп бакчасына чыршы агачлары утырттылар.