“БлагоДарение” фонды президенты Фәрит Салихов Тупач хатын-кызларын бүләкләде

Бүген Тупач авылы күп функцияле үзәгендә республикабызның "БлагоДарение" фонды мул табын артына чакырып авыл хатын-кызларының күңелләрен күрделәр.

Биредә алар төрле уеннарда катнашып күңел ачтылар, бәйрәмгә килгән бер хатын-кызда бүләксез китмәде. Авыл хатын-кызларын 8 март бәйрәме белән тәбрикләргә "БлагоДарение" фондының президенты Фәрит Салихов һәм район башлыгы урынбасары Камил Нәҗмиев килделәр, алар язның беренче бәйрәме белән хатын-кызларны чын күңелдән тәбрикләделәр.

Чаллы шәһәреннән килгән "Күңел" радиосы хезмәткәрләре хатын-кызларны матур һәм дәртле җырлары белән сөендерде.