Даһи Ленинны искә алдылар

Шәһәребезнең үзәк мәйданына куелган В.И.Ленин һәйкәле янына җыелып район коммунистлары бөек даһины искә алдылар. Быел бу бөек даһиның тууына 146 ел тулды.Митингны район коммунистлар партиясен җитәкләүче Заһир Зыятдинов ачып җибәрде.Ленин һәм коммунистлар партиясе турында коммунист Александр Жбанов һәм башкалар чыгыш ясадылар. Аннары Бөек Ватан сугышы ветераны Михаил Тихонов, тагын берничә хезмәт ветераны совет властен торгызуда бик күп эшләр эшләгән Ленинны, Сталинны бары яхшы яктан гына искә алдылар һәм рәхмәтләрен җиткерделәр.

Ленинны искә алырга килгән ветераннар аның һәйкәленә чәчәк салдылар. Районда бүгенге көндә барлыгы 30 кеше коммунистлар партиясе сафында тора, Ленинны искә алырга 23 кеше килгән иде.