Финишка якынлашабыз

Район авыл хуҗалыгы һәм азык-төлек идарәсенең оператив мәгълүматларыннан күренгәнчә, барлыгы 38 603 гектарда игеннәр суктырылган.Бу ланлаштырылганның 94 проценты дигән сүз.Барлыгы 130970 тонна икмәк амбарларга кайтарылды. Район буенча бер гектардан чыккан уртача уңыш 33,9 центнер тәшкил итә. Бүгенге көнгә 2626 гектарда сабан бодаен һәм 4041 гектарда рапсны суктырып аласы калды. Көзге чәчү барысы 11900 гектарда башкарылды. Барлыгы 2200 гектар арыш, 9300 гектар көзге бодай һәм 396 гектарда шепкән чәчелде. "Дәүләтов"КФХсы 50 гектар җирдән 1350 тонна бәрәңге казып алды. Шулай ук әлеге КФХ эшчәннәре 12 гектар җирдән 480 тонна яшелчәне алып супермаркетларга озаталар.

Барлыгы 12700 тонна салам төргәкләргә төрелде һәм аларны ферма яннарына ташу дәвам итә. Туфракны төп эшкәртү 15300 гектарда башкарылды, бу планлаштырылганның 27 проценты дигән сүз. Районыбыз хуҗалыклары 14300 тоннадан артык кукурузны силоска салдылар. Кукурузны силоска салуда "Органик групп-Чулман" агрофирмасы эшчәннәре яхшы эшли. Район буенча бер баш шартлы терлеккә 26,7 центнер күләмендә азык хәзерләнде.