Минзәлә педагогия көллиятендә "Татар егете - 2016" бәйгесе

Бүген М.Җәлил исемендәге Минзәлә педагогия көллияте бинасында урта махсус уку йортлары студентлары арасында "Татар егете - 2016" республика бәйгесе үтә. Бәйгенең беренче турында республикабызның 22 техникум һәм көллиятләреннән килгән студентларның артистлык осталыклары, татар әдәбиятын белүләре, беләкләрендәге көч-куәтләре сыналды.

Әлеге бәйге нәтиҗәләре буенча иң лаеклылар сайланып, көннең икенче яртысында "Татар егете" исеме өчен көрәш башланды. Икенче турда егетләргә "Серле сандык", "Оста эшеннән билгеле", "Талантыңа җилкән тек", "Җил булмаса, ишкәк ал!" бәйгеләрендә көч сынашырга туры килде.

Бәйге нәтиҗәләре хакында соңрак хәбәр итәбез. Безне укып, карап барыгыз.