Резеда Гарипова һәм Ильмира Усманова “Нечкәбил-2016” XII республика конкурсында катнашачак

Бөтен йөрәге белән яратучы әнидән дә җылы, көчле һәм назлы кеше юк. Ул балаларны ярата, назлый, гаиләсен һәм бөтен галәмне кочарга да әзер. Әниләрнең елмаюлы шат көләч йөзләре гомер буена безнең тормышыбызны яктыртып, җылытып тора.

2016 елда ТР Президенты, ТР Хөкүмәте һәм "Бердәм Россия" ВСП ярдәмендә "Нечкәбил-2016" дип исемләнгән XII матурлык һәм гаилә республика конкурсы үткәрелә. 18 сентябрьдә Татарстан гаиләләре ярымфинал-фестиваленә җыена. Безнең районнан Резеда Гарипова һәм Ильмира Усманова (Ахметова) "Нечкәбил-2016" XII республика конкурсында катнашачак.