Салихов Минзәләдә беренче булып чәчүне төгәлләде

Районыбыз хуҗалыклары барлыгы 38657 гектарда язгы чәчү үткәрделәр,шуның сабан бодае-20800,арпа-10650, солы-751,борчак-250,бөртек өчен кукуруз-400, көнбагыш-40, берьеллык үләннәр һәм азык катнашмасы-4100,рапс-100, силос өчен кукуруз 1400 гектар чәчелде. Дәүләтов КФХсы яшелчәләрне-75, бәрәңгене 90 гектарда утыртты.Хәзерге вакытта район хуҗалыклары кырларында үсемлекләрне тишелеп чыкканчы һәм тишелеп чыккач тырмалау, чүп үләннәренә, корткычларга каршы эшкәртү дәвам итә.Чүп үләннәренә һәм корткычларга каршы 5900 гектар чәчүлекләр эшкәртелде. 17 май көнне-8,5 миллиметр, 18 май көнне 3,5 миллиметр яңгыр яуды. Шәхси эшмәкәр КФХ Салихов хуҗалыгы хезмәтчәннәре районда иң беренчеләрдән булып 14 майда язгы чәчүне тәмамладылар, алар быел барысы 500 гектар сабан культуралары чәчтеләр. 18 май көнне 25 гектарда кукурузны да чәчеп бетерделәр.