Ярышлар төгәлләнде

Узган атнада шәһәребезнең "Юбилейный" спорт комплексында йөзү буенча Минзәлә муниципаль район башлыгы Айдар Салахов призына ачык шәхси команда беренчелегенә ярышлар төгәлләнде. Әлеге йөзү ярышына Казан шәһәреннән "Акватика"," Ак бүре","Касатка",Яр Чаллы шәһәренең "Дельфин", "Витязь" командаларыннан, Әлмәт, Зәй, Бөгелмә, Ленинногорск, Байлар Сабасы, Баулы, Алабуга, Сарман, Минзәлә районнарыннан, Йошкар Ола, Уфа, Моҗга шәһәрләренең көчле йөзүчеләре килгән иде. Ачык беренчелекне ябу тантанасында район башлыгы урынбасары Камил Нәҗмиев, район яшьләр эшләре һәм спорт бүлеге җитәкчесе Артур Мавлютов катнашты. Ачык шәхси беренчелектә Ләйлә Кашапова икенче урынны алды. Катнаш эстафетада безнекеләр 2004-2005 елда туган балалар арасында өченче, шулай ук 2002-2003 елда туган балалар арасындагылар да өченче урын яуладылар. Гомум команда зачетында безнекеләр икенче урын алдылар, Мактау грамотасы, район башлыгының акчалата бүләгенә лаек булдылар, кубок белән бүләкләнделәр.