Акция мәрхәмәтлеләрне барлый

Редакция, 27 ноябрь 2012 - 09:44

833

Чираттагы шимбә киңәшмәсендә социаль яклау бүлеге начальнигы Татьяна Мясникова "Мәрхәмәтле телефон"республика хәйриячелек акциясенең беренче этабы нәтиҗәләре турында сөйләде.

Акция кысаларында мохтаҗ кешеләргә "хәвефле кнопка"лы кәрәзле телефон алу өчен спонсорлык ярдәме күрсәтүне сорап җитәкчеләргә, эшмәкәрләргә, депутатларга хатлар таратылган, нәтиҗәдә 1 телефон һәм 32 мең сумнан артык акча тупланган. Бүгенге көндә авылдагы 11, шәһәрдәге 20 кешегә шундый телефоннар тапшырылган. Татьяна Мясникова шушы акциядә катнашып, мәрхәмәтлелек кылучыларны - спонсорлык ярдәме күрсәтүчеләрне санап узды.

Киңәшмәдә район башлыгы Расим Садыков әлеге акцияне оештыруга зур өлеш куйган социаль яклау бүлеге коллективына һәм акциядә катнашучыларга тирән рәхмәтен белдерде.