Казанга, төзелешкә!

Редакция, 12 декабрь 2012 - 10:01

784

2018 елгы дөнья чемпионаты уңаеннан башкалабыз Казанда төзелүче яңа футбол стадионын киләсе җәйдә беренче сынау көтә: 2013 елгы Универсиаданы ачу һәм ябу тантанасы биредә узачак.

45 мең тамашачыга исәпләнгән, 32 гектардан артыграк мәйдан биләүче футбол стадионы төзелешендә Минзәлә районыннан бүгенге көндә 9 кеше эшли. Әлеге эшчеләрнең бишесе - ташчы, дүртесе бизәү эшләрен башкаручылар. Ташчылар шәхси эшмәкәр М.Мавлютовтан, аларның стадиондагы төзелештә эшли башлауларына 10 көннән артык, "Гарант Плюс" ҖЧҖ (Н.Секунов) бизәүчеләре төзелешкә 1 ай элек киткәннәр иде. Әлеге эшчеләр биредә хезмәт килешүе буенча эшлиләр, аларга хезмәт хакын генподрядчы түли, заказчы бер тәүлеккә 260 сум исәбеннән эшчеләрнең туклануы һәм яшәү урыны өчен чыгымнарны компенсацияли.