Минзәләдә дә куркынычсызлык кагыйдәләре катгыйлана

Шәһәр һәм район мәктәпләрендә балаларның һәм укытучыларның куркынычсызлыгын тәэмин итүне көчәйтәчәкләр.

Мәскәү мәктәбендә булып узган фаҗигале вакыйгадан соң , ТР ның мәгариф һәм фән министры Энгель Фәттахов уку йортлары җитәкчеләренә куркынычсызлык кагыйдәләре чараларын көчәйтүне тәкъдим итте.

Минзәлә районы мәгариф бүлегенең гадәттән тыш хәлләр буенча баш белгече Рәйхан Хәлимов хәбәр итүенчә ,мәгариф учреждениеләренә керү режимын каты контрольгә алырга, педагоглар, ата-аналар һәм аларның балалары белән әңгәмәләр, шулай ук мәгариф учреждениеләре хезмәткәрләре белән инструктаж үткәрелде.

Мәгариф бүлеге җитәкчелеге һәм хокук саклау органнары мәгариф учреждениеләрендә террорга каршы тикшерү үткәрәчәкләр.