"Вамин" "Татагролизинг” кулына күчте

Бурычларга бәйле төстә "Вамин" империясе таркалуын дәвам итә. Әлегә кәгазьдә генә. "Вамин"ның җитештерү көчләре - бигрәк тә сөт комбинатлары - яңа төзелгән "Просто молоко" компаниясенә бирелде. Яңа җәмгыятьнең оештыручылары булып "Татагролизинг" (99 процент) һәм Марат Муратов (бер процент) тора. Генераль директоры Марат Муратов. Яңа предприятие "Вамин" - банкротка ай саен 130 миллион сум аренда бәясе түләп торачак. Минзәләдәге май-сыр комбинаты күптән сөт кабул итү-суыту-Чаллыга озату режимында эшли башлаган иде. Яңарту җилләре аларга да кагылган. 20 штатның икесе кыскартылган. Әле монысы да соңгысы түгел дигән сүзләр йөри. Агрофирмаларда әлегә үзгәрешләр көтелми.