Бикбау авылыннан Әлфия Басыйрованың “Чәчәк патшалыгы” конкурсына җибәргән фотолары

– Чәчәкләр тирә-якка ямь биреп, тормышыбызны бизәп торалар. Без барыбыз да чәчәкләр яратабыз. Бакчабызда нинди генә чәчәкләр үсми. Анда яздан көзгә кадәр тирә-юньгә ямь биреп, розалар, кашкарыйлар, ап-ак ромашкалар, аллы-гөлле лаләләр, лилияләр, флоксалар һәм башка төрле чәчәкләр шаулап утыралар. Без аларга көн дә су сибәбез, чүп үләннәреннән арындырабыз, алар белән сөйләшеп йөрибез. Чәчәкләр җанга тынычлык бирәләр, кәефебезне күтәрәләр, – дип яза ул.

Безнең өстәмә

“Минзәлә-информ” филиалы бакчачылар, шәхси йортларда яшәүчеләр өчен түбәндәге номинацияләр буенча конкурс игълан итте.

“Искитмәле карачкы”. Моның өчен сезнең бакчагызны бизәп торучы гадәти булмаган, үзенчәлекле арт-объектлар фотоларын җибәрергә кирәк.

“Чәчәк патшалыгы”. Монда үзегез үстергән чәчәкләрнең, үз кулларыгыз белән булдырылган клумбаларның фотолары катнаша.

“Тәмле түтәл”. Җиләк-җимеш, яшелчәләрдән әзерли торган үзегезнең фирменный рецептларыгызны “Минзәлә”-“Мензеля”  газеталарын укучылар белән дә бүлешегез. Рецепт белән шушы ризыкларның фотоларын куярга да онытмагыз.

Конкурска фотоларны үзегезгә уңайлы ысул белән безнең социаль челтәрләргә «ВКонтакте» Мензелинск news - Мензеля онлайн https://vk.com/smi_menzela
«Instagram» menzela_menzelinsk https://www.instagram.com/menzela_menzelinsk
«Одноклассники» https://ok.ru/menzelinsk  яисә  8-9179077448 номеры белән ватсап аша җибәрергә кирәк. Инстаграммга куяр өчен 59 секундка кадәр видеолар да җибәрергә мөмкин. Исем-фамилиягезне, хәбәрләшү өчен телефон номерыгызны күрсәтергә онытмагыз. Конкурс 1 октябрьгә кадәр дәвам итә.