Көн темасы

Эмилия Данилова һәм Әмир Ардыханов бадминтон буенча Татарстан Кубогының финал этабына үттеләр

10 февраль 2025 - 16:37 Автор:

Ильшат Вагизов

165

Актаныш авылында Чулман аръягы зонасында бадминтон буенча Татарстан Республикасы Шәхси кубогына сайлап алу туры узды.

Ярышларда алты районнан 93 спортчы катнашты.

— Безнең спорт мәктәбеннән турнирда 12 талантлы спортчы катнашты, аларның һәркайсы тиешле дәрәҗәдә әзерлек күрсәтте. Ике укучыбызның уңышларын аеруча билгеләп үтәсе килә: Эмилия Данилова, үз көчен һәм чыдамлыгын исбатлап, көмеш медаль яулады. Аның чыгышы максатчанлык һәм үҗәтлек үрнәге булды. Әмир Ардыханов бишенче урынны алды, бу да зур уңыш. Аның нәтиҗәләре зур потенциалга ия булуын һәм тренировкаларда тырышып эшләвен күрсәтә,-дип хәбәр итте "Минзәлә-информ«га «Юность» спорт мәктәбенең бадминтон буенча тренеры Игорь Ковальчук.