«Җиңү диктантын» Минзәләдә дә яздылар

(Илшат Вагыйзов, "Минзәлә-информ")

Минзәлә шәһәренең 1 нче урта мәктәбенең 11 сыйныф укучылары «Җиңү диктанты» акциясенә кушылдылар.

Наилә Габдуллина, 1 нче мәктәпнең тарих укытучысы:

- Бу акцияне без укыту-тәрбия эшләре буенча директор урынбасары А.Фатхуллина, география укытучысы Г. Аглиева, җәмгыять белеме укытучысы И. Ерофеева белән бергә үткәрдек. Диктантны 27 унберенче сыйныф укучысы язды. Шулай ук диктант язарга Татарстан Республикасы буенча Россия Гадәттән тыш хәлләр министрлыгы Баш идарәсенең күзәтчелек эшчәнлеге һәм профилактик эш идарәсенең Актаныш һәм Минзәлә районара күзәтчелек эшчәнлеге һәм профилактик эш бүлеге башлыгы Альберт Тимерханов та килгән иде. Ул балалар белән патриотизм, Ватанны ярату темасына әңгәмә уздырды.