Югары Тәкермән авыл җирлегендә Кыш Бабай һәм Кар кызлары конкурсы үткәрелде

Илдус Шаһиев, Минзәлә- информ
Ел Кыш Бабае булып Әнәс Миннеханов , Кар Кызы- Азалия Якиева танылды. Алар балалар белән төрле уеннар үткәрделәр, номинацияләр буенча бүләкләр өләштеләр, әтисе мобилизацияләнгән бәләкәч, мөмкинлекләре чикләнгән балалар белән аралаштылар.
Алия Шәрипова, Югары Тәкермән авыл җирлеге башлыгы:
-Безнең җирлектә талантлы кешеләр яши. Төрле бәйрәмнәрдә җырлаучысы да, биючесе дә табыла. Нинди генә конкурс оештыра башласак та теләүчеләр бик күп була.
Азалиянең гаиләләре бик актив, бу юлы алар кошлар өчен җимлек ясап, авылдашларының исен китәрде.
Талантлы Әнәс балалар өчен тамаша тәмамлангач, хатыны Рүзилә белән Чыршы бәйрәменә килүчеләргә моңлы җыр бүләк итте.