Хуҗәмәттә “Яшәү яме” исемле кичә үткәрелде

Илшат Вагыйзов, “Минзәлә-информ”

Минзәлә районы Хуҗәмәт авылында мөслимәләр арасында “Яшәү яме” исемле кичә үткәрелде.

Әлеге кичәдә Хуҗәмәт авылы мәчете тарихы, кисеп аударылган манараның хикмәт белән сакланып калган ае,бүгенге көнгә кадәр хезмәт куйган имам-хәзрәтләре ,яңа мәчет салыну тарихлары искә алынды. Гыйлем алу,бу юлда тырышу,башкаларга үрнәк булу,остазлык, шәкерт булу шатлыклары уртаклашынды. Иң хикмәтле, көтелмәгән очрашу-3 күрше район мөселман хатын-кызлар җитәкчеләре - Роза Котдусовна (Минзәлә), Фәридә Харрасовна (Чаллы),Роза Кашаповна (Түбән Кама) очрашты, тәҗрибә алышты, дип хәбәр итәләр Минзәлә районы мөслимәләр берлегеннән.