Луиза Идиатуллина: "Актив тормыш алып бару бәрабәренә әле бүген дә сәламәтмен"

Илшат Вагыйзов, “Минзәлә-информ”

Гомерен Минзәлә районында мәдәният һәм сәнгать үстерүгә багышлаган, район ветераннар хоры әгъзасы Луиза ханым Идиатуллина бүген дә актив тормыш алып бара.

- 86 яшьтә булуыма карамастан, тик торырга, өйдә утырырга яратмыйм. Әле менә хор кызлары белән тагын пароходта круизга чыгып китәргә җыенабыз. Гомумән, актив тормыш алып бару бәрабәренә әле бүген дә сәламәтмен,  - ди Луиза Хәким кызы.

Әле Изыскательләр бистәсендә үзе яшәгән күпкатлы 1/5 йорты янында чәчәкләр, яшелчәләр дә үстерә Луиза ханым. “Бердән, хәрәкәт, икенчедән, үзем үстергән файдалы яшелчәләрдән авыз итәм, чәчәкләр белән сокланам”, - ди ул.

Безнең өстәмә

Луиза ханым Идиатуллинага баруыбызның сәбәбе: ул безнең белән Минзәлә районы сәнгать һәм мәдәният әһелләренең Мәскәүдә 1957 елда ТАССР декадасында катнашу тарихы белән уртаклашты. Бу хакта “Минзәлә”-“Мензеля” газетасының алдагы саннарында укыгыз.