Мәгълүмат сәгате кысаларында китапханәчеләр тәмәке тарту зыяны турында сөйләделәр

Тәмәке тартуга каршы көрәш буенча халыкара акция кысасында 30 май көнне өлкәннәр һәм инвалидлар өчен интернат-йортта үзәк китапханә хезмәткәрләре Римма Әхмәтханова һәм Ольга Гатиятова «Үз тормышыңны кадерлә»дигән мәгълүмат сәгате үткәрделәр. Алып баручылар интернат-йортта тәрбияләнүчеләрне тәмәкенең барлыкка килү тарихы белән таныштырдылар, дөньяда бу зарарлы гадәттән күпме кешенең газаплануы һәм һәлак булуы турында хәбәр иттеләр.