Минзәләдә районкүләм бию фестивале узды

(Дифиза Нуриева, «Минзәлә-информ”)

Районның бию коллективлары халык биюеннән һәм вальстан алып эстрада биюенә кадәр төрле юнәлешләрдә матур номерлар тәкъдим иттеләр. Тылсымлы бию дөньясына чумып, тамашачыларның һәрберсе шундый матур бәйрәм рәвешендә үзенә искиткеч бүләк алды.

Минзәлә шәһәре башкарма комитеты җитәкчесе Рамил Шәйсуваров биючеләргә сәламләү сүзе белән мөрәҗәгать итте. Фестивальдә “Уен” Гимназия, “Чишмә” РДК, “Элегия” ДШИ, шәһәрнең 1нче, 3нче мәктәпләре, 1нче, 3нче, 4нче, 7нче, 8нче, 11нче санлы балалар бакчалары  бию коллективлары катнашты.

Барлык катнашучыларга район башкарма комитетының Рәхмәт хатлары һәм чараның  спонсорлары булган Н.Н.Степанов (ООО Лига), О.Ф. Иванов (Электроном), Р.Г. Кәримов (АТП) сертификатлары тапшырылды. Тәмле су белән катнашучыларны А.Д. Леванов (ҖЧҖ Изыскатель) сыйлады.