Минзәлә районы делегациясе “Сәләт” форумында катнашты

 (Дифиза Нуриева, “Минзәлә-информ”)

Минзәлә районының 20 сәләтле егет һәм кызлары Биләрдә узган Media BILER FORUM да катнашты.

Алсу Гәрәева, Минзәләдәге “Сәләт” клубы рәисе:

–Бик файдалы форум булды. Балалар төрле проектлар эшләделәр, бигрәк тә экология, табигать белән бәйле проектлар күп иде. Безнең янга республика Президенты Рөстәм Миңнеханов та килгән иде. Мин үзем волонтер булгач, шәхсән президентны каршы алуда катнаштым. Ул балалар белән аралашты, “Сәләт” турында фикер алышты.