Минзәлә районында 4616 тонна ашлык суктырылды

Район буенча бер гектардан чыккан уртача уңыш 12,5 центнер тәшкил итә. “Мензелинские зори” агрофирмасының Кадрәк җитештерү комплексы игенчеләре-391 һәм “Заиковский” хуҗалыгы борчак суктыруны төгәлләделәр. "Калморза“хуҗалыгы 240 гектарда борчак суктырып алды, бу хуҗалыкта борчакның гектар төшеме уртача 24 центнер тәшкил итә.  “Әнәк” агрофирмасының Мөшеге бүлекчәсе  423 гектар гәрчичнең 167 гектарын суктырып алды һәм һәр гектардан уртача 10 центнер гәрчич чыга. Игеннәрне урып-җыюда  “Әнәк” агрофирмасының Мөшеге бүлекчәсе, “Заиковский” хуҗалыгы һәм  “Август” компаниясенең Минзәлә ОСПсы  яхшы эшлиләр һәм аларда бу эш 15-38 әр процентта башкарылган.  Кичә районыбыз кырларында 33 комбайн эшләде.