Минзәлә районында 50 балага ата-ана прививка ясатудан баш тарткан

(Дифиза Нуриева, “Минзәлә-информ”)

Ләкин барлык-ата аналар да әлеге прививкаларның мөһимлеген аңлап бетерми икән шул. Район үзәк хастаханәсе табиб-инфекционисты, педиатр Гүзәлия Шестакова белән балаларга ясалучы прививкалар хакында сөйләштек.

–Гүзәлия Шамилевна, районыбызда балаларына прививка ясатудан баш тартучылар бармы?

–Кызганычка каршы, бар. 50 кеше баласына прививка ясатудан баш тартты. Алар моның сәбәбен дингә бәйли, интернеттан дөрес булмаган информация укып, каршы фикердә торучылар да бар. Вакцина алмаган бала тирә-ягындагы вакцина алган баланы куркыныч астына куярга мөмкин. Бүгенге көндә чирне булдырмый калуның иң мөһим чарасы - вакцинация. Бары тик коллектив иммунитет булдырганда гына без инфекцияне җиңеп чыга яки алар белән идарә итә алабыз.

Табиб-инфекционист Гузәлия Шестакова белән әңгәмәнең тулы вариантын “Минзәлә” “Мензеля” район газетасыннан укырга мөмкин.