Минзәлә районында авыл хуҗалыгы саннарда һәм фактларда

Дильфас Галиев, 31 май 2018 - 09:19

1813

Районыбыз терлекчеләре 31 май көнне 54 тонна сөт җитештерделәр, бу узган елның шул чоры белән чагыштырганда 100 процент дигән сүз.

Минзәлә районында авыл хуҗалыгы саннарда һәм фактларда

Терлекчеләребез май аенда сөт җитештерүне 400 килограммга арттырдылар һәм һәр сыердан тәүлеккә 11,8 килограмм сөт савып алалар.
Районыбызда авыл хуҗалыгы үсемлекләрен яклау буенча эшләр бара. Районыбыз хуҗалыкларында барлыгы тишелеп чыкканчы-10300, тишелеп чыккач-4800 гектар чәчүлекләр тырмаланган, корткычларга-6200, авыруларга каршы-7500, чүп үләннәренә каршы-10500 гектар чәчүлекләр эшкәртелгән. Үсемлекләрне яфрак аша һәм тамырдан тукландыру башланды. Май аенда районыбыз кырларында 12 миллиметр яңгыр яуды.