Минзәлә районында гошер тапшыру атналыгы үтә

(Илшат Вагыйзов, “Минзәлә-информ”)

Минзәлә районында гошер тапшыру атналыгы уза.

Рәмзил хәзрәт Садыйков, Минзәлә районы имам-мөхтәсибе:

- ТР Диния нәзарәте 25 сентябрь көнне гошер көне дип игълан итте. Без үзебездә гошер тапшыру атналыгы үткәрәбез. Шәһәрдә дә, авылларда да яшәүче мөселманнар гошер садакасын беренче чиратта үз яннарында яшәүче мохтаҗ, я берәр бәла-казага юлыккан кешеләргә тапшырсаннар иделәр. Алай кулайрак булыр. Инде алай килеп чыкмаганда безгә, мәчеткә та китереп бирсәләр дә була. Без аны үзебез таратачакбыз.

безнең белешмә

Гошер — сәдаканың махсус төре, ул мөселман кешесенең, үстергән уңышын җыеп алганнан соң, аның уннан берен мохтаҗларга бирүдән гыйбарәт.