Минзәлә районы мөслимәләренең семинары

Минзәлә шәһәре мәчетендә райондагы мөслимәләр берлеге әгъзаларының семинары үтте. 

- Шушылай бергәләшеп җыелышып аралашу мөслимәләргә (бигрәк тә авыллардан килүчеләргә) бик тә мөһим. Чөнки барлыйсы сорауларыбыз җитәрлек,  - дип билгеләп үтә Минзәлә районында мөслимәләр берлеге җитәкчесе Роза Фәхретдинова. - Мәсәлән, бүген авыл мөгалимәләре белән хиҗаб көнен билгеләп үтү, күптән түгел Ак мәчеттә (Яр Чаллы шәһәре) уку тәҗрибәсен уртаклашу һ.б. төрле сораулар буенча фикер алышабыз.

Семинарга җыелуның тагын бер сәбәбе - бүген Минзәләнең баш абыстае Дәнфирә Ахиярова үзенең 80 яшьлеген билгеләп үтә. Шушы хөрмәткә район мөслимәләр берлеге мул табын әзерләде, ә Роза Фәхретдинова Дәнфирә ханымга Минзәлә мөхтәсибәте исеменнән Рәхмәт хаты һәм истәлекле бүләк тапшырды.

Шулай ук семинарларга килгән ханымнарга дини календарьләр дә таратылды.